2004年8月15日 星期日

長毛眼中看世界, 香港政治
2 0 0 4 年 08 月 15 日

場地: 中環 太子大廈 CANTEEN 內

時間: 3:45 至 4:45PM

人物: 長毛(梁國雄)

記者: 阿牛2, 四仔

目的: 想讀者了解長毛的另一面,並有所反思.

--------------------------------------------------------------------------------

記者問: 你對中日足球大戰有乜睇法?

長毛: 成件事係一個笑話,運動係人類生活的一部份,其他人有權在足球場上表達任何意見。 不過, 從球迷的騷亂來睇,反映出中國政府經常壓迫自己的人民,令佢地沒有宣洩反日的途徑,中國人唯有在足球場上,將所有不滿爆發哂出來,另一方面,佢地示威有對象,就係日本人民,佢地希望透過示威而使日本人民睇到佢地既不滿情緒(從電視畫面上),但我又覺得各方面都唔。 原因以下:

1. 中國球迷不應將發洩落日本球員身上,佢地都係踢波,係運動員來的,當中未必每個都支持軍國主義 。

2. 日本政府又係度借題發揮,將中日大戰呢件事情擺上外交度,迫中國道歉。

3. 中國又戇居, 又會向日本作出道歉! 呢個世界有好多球迷係其他國家犯事,而唔見佢地d政府擺上外交途徑? 例如英國球迷係葡萄牙生事,又唔見葡萄牙政府向英政府投訴? 而貝理雅亦只是叫英國球迷唔好生事,並非向葡萄牙道歉的。

總結: 以上鬧劇都係中國政府唔俾人民有集會結社示威的自由而做成的結果而己。

--------------------------------------------------------------------------------

記者問: 對於日本參拜神社,同日本修改教科書,你點睇?

長毛: 除了向日本施加壓力,別無他法。 中國人其實可以出一本寫日本的歷史書,講出抗日戰爭的史實,外銷到日本去,或者印日本的傳單,友好地派給來華工作或旅遊的日本人。 但偏偏中國政府及中國人都唔做,點解呢? 除了施壓,思想教化又是一個可行的方法呢。 事實上,日本人對戰爭係唔想理,但對自己的歷史亦有所反省。 不如你地諗下點解日本人容許右傾?

記者問: 係日本人好戰?!

長毛: 唔係,新一代的後生仔係唔仲意打仗的。 只不過議會上的元老好多都係二次大戰時代的人,加上佢地全部都係財團,That's the point! 小泉係做戲俾呢班人睇,令自己的執政更加容易,如果係普羅大眾選出來的議員,小泉會咁做嗎? 日本政黨俾財團壟斷哂,選民no choice to choose,同香港的情況差唔多。

--------------------------------------------------------------------------------

記者問: 你又點睇香港的社會運動?

長毛: 香港人搞政治某程度上係同社會政策上對等,但政治權力最後亦落左中國政治當中。 因為社會運動係而群眾運動累積經驗,再由群眾推到建制上,再改變建制。 但泛民主派對於中國問題係佢地一個weak point,係一個致命傷,佢地當中國政府唔存在。 而現在只是回應中國在香港的事務,但係唔知中國政府究竟係度做緊乜 。

--------------------------------------------------------------------------------

記者問: 你又點睇泛民主派,佢地係七一後形成的。

長毛: 唔係話我話佢地,不過我覺得泛民主派一定是一個壇花一現既product。 其實d人根本冇乜變過,只係多左兩個律師而已。 而律師只會根據法例來爭取權益。 但人大釋法已經係一種政治性既野,而法律只不過係為政治服務,全部律師根據basic law去抗爭,根本就唔work,完全倒果為因了。

--------------------------------------------------------------------------------

記者問: 香港既政治其實係咪邊緣化?即我地有我地生活,佢地有佢地罵交?

長毛: 香港有管治危機,但係佢地冇一個有信心去搞跨佢。 一方面沒有實力的政黨,而佢地多數是壓力團體,以前香港的政黨多數是由壓力團體組成,但佢地宜家將角色變番做壓力團體,咁係咪倒退呢?

長毛: 自從23條起,兩次七一遊行已經係上帝製造左兩次奇蹟俾我地睇,點解我地唔食住個勢上呢? 泛民主派應該俾政府一個兩難式,either or,迫政府在行政上作出決定,只不過泛民主派要和解,俾政府喘息下了。 例如港燈加價方面,佢地除左可以係議會動議外,更可以使用議員身份,動員全港島區市民擺交電費,或者以折讓價交電費,迫港燈呢個大財團作出讓步,明知道政府俾左franchise港燈,在法律上點做都做唔到野。 只不過佢地唔做,or唔使得罪某大財團,畢竟個班尊貴議員多數都係商界,專業界出身的。

長毛: 佢地根本希望劃河而治,未想過或未諗過傾盡全力打低保皇黨。「能戰方能言和」,如墨子叫人唔好打,首先係親身到防守國助戰,令主戰國沒有能力戰勝對方,先可以言和。 泛民主派放棄了今次絕佳的機會了,佢今次想釋放善意,放過自由黨同民建聯,而落多心機去爭取遊離票,等於完全出賣了以往一直支持佢既選民。 正如你幫襯開大公司邊度有優惠架?! 係新客仔先有優惠架嗎?! d球迷睇左cable咁耐幾時有優惠? 咪逐年加價囉,係新客先會用優惠吸引你用cable睇波,道理係咁解咋嘛。

--------------------------------------------------------------------------------

記者問: d人話你今次選舉想追擊某富家公子,但事實上好似追擊緊xx名單咋喎,你點回應呀?

長毛: 今次xx名單....以數字來說根本唔合邏輯,以比例代表計,可以有信心取得50%選民一票嗎? 其實佢地自己組出呢個名單係想放生富家公子,而出賣了排第四或五的候選人。

記者問: 嘩,黃xx係老黨員啊,咁樣出賣佢咪好黑暗?

長毛: 可能佢自己計錯數,即使冇我度,其他候選人一樣會威脅到佢的。 其實,如果佢地七個人分拆出三組名單參選,肯定競爭激烈,民眾可以選佢喜歡的人之選而富家公子就死緊了! 個個人在新界東根本沒有民意基礎,放生佢一次,下次選舉就會派多幾個人參選,使認受性增加,想打倒佢又難上加難了,今次放生外人,整死自己人,都唔知佢地想點。

長毛: 其實昂山素姬,佢組織人民上街,真正的社會運動家,與香港的所謂民主女神差好遠了,個個只識係議會talk,又由傳媒吹捧出來了。

--------------------------------------------------------------------------------

記者問: 其實你點解想參選?你又覺得做議員應該係點樣?

長毛: 哦! 我唔參選你都唔會訪問我啦? 年青人,係咪呢? 其實係想俾人識多d我,睇下邊度可以改變建制,即使進入議會我會搞群眾運動。 如果以議員為職業的話,面對傳媒或群眾,一定識回應或爭咪,而議會上冇乜人為窮人出過聲啊! (記按: 香港月入4000蚊以下的窮人約155萬人, 佔香港人口兩成,而立會只有打著勞工旗號的梁耀忠,李卓人,陳婉嫻,打著窮人的旗號就完全沒有)何況立會係死的,社會發生既事係生的;而香港人係當立會係神聖,社會發生既野係閒事,本末倒置了。 而立會俾左一個platform,等我發表意見同動議一些有益香港人既事。

記者問: 長毛,立會好多人工喎,你會唔會被人話你為錢而選啊?

長毛: 我係參選時已經公佈左,只會拿12K做每月人工,而全部資金都會放搞運動上。 參選係希望用番政府資源係幫窮人,好似公司申請上市集資一樣,冇乜大不了的。 (記者按: 何況有些議員透過功能組別不費一力即可連任,仲可以拿10幾萬工資連津貼,跟住又可以立會睡覺同向市民伸中指,點解又冇人落場同佢爭下呢?)

記者問: 如果保皇黨臨時多派幾個人參選,你會反對嗎?

長毛: 傻啦! 點會,立會選舉係提供左一個平台等我可以公平地將保皇黨打敗啊,而參選係個人自由,我唔可以干預的。 如踢球希臘win法國,希臘唔想法國win番佢唔通唔俾佢踢咩? 而足球場就做一個良好地方可以公平競爭,立法會就好似咁既作用的。
 

沒有留言:

張貼留言